აშშ-მექსიკის საზღვარზე შეიარაღებული პირების თავდასხმას მინიმუმ 15 ადამიანი ემსხვერპლა

აშშ-მექსიკის საზღვარზე შეიარაღებულმა პირებმა რამდენიმე თავდასხმა განახორციელეს მექსიკის სასაზღვრო ქალაქ რეინოსაში, რის შედეგადაც მინიმუმ 15 ადამიანი დაიღუპა. შეტაკებებმა ფართო მასშტაბის პანიკა გამოიწვია მოსახლეობაში, იტყობინებიან ადგილობრივი სამართალდამცავი ორგანოები. ტამაულიპის შტატის უწყებამ, რომელიც კოორდინაციას უწევს უშიშროების ძალებს, განაცხადა, რომ თავდასხმები განხორციელდა ქალაქის აღმოსავლეთ ნაწილში, რომელიც ტეხასს ესაზღვრება. სროლის შედეგად მობილიზებულია არმია, ეროვნული გვარდია, სახელმწიფო პოლიცია და სხვა ძალოვანი უწყებები. მექსიკის ხელისუფლების თქმით, დაკავებულია მამაკაცი, რომელსაც მანქანის საბარგულში ორი ქალი ჰყავდა ჩაკეტილი, ხელში ჩაიგდეს ასევე თავდამსხმელთა სამი ავტომანქანა. რეგიონში დანაშაულებრივ საქმიანობას აკონტროლებს ე.წ. მექსიკის ყურის კარტელი, რომელიც თავის მხრივ სხვადასხვა დაჯგუფებისგან შედგება. ...