Pfizer-ის და Moderna-ს ვაქცინებს აშშ-ის სამედიცინო მარეგულირებელმა დაამატა გაფრთხილება, რომ იშვიათად გულის კუნთის ანთებას იწვევს

აშშ-ის სამედიცინო-მარეგულირებელმა უწყებამ Pfizer/BioNTech-ის და Moderna-ს ვაქცინებს, რომლებიც კოვიდ-19-ისგან დაცვისთვის გამოიყენება, დაამატა გაფრთხილება, რომ ამ პრეპარატებით აცრილ პირებს შეენიშნებათ გულის მცირე ანთება. ექიმებს, რომლებიც აცრიან პაციენტებს, ამით აფრთხილებენ, რომ იყო ცნობები თანმდევი ჩვენებების შესახებ, რომ არსებობს მიოკარდიტის (გულის კუნთის ანთება) და პერიკარდიტის (გულის პერანგის ანთება) გაძლიერებული საფრთხე და რომ ის უფრო ხშირად აღინიშნა ახალგაზრდა კაცებს შორის. აშშ-ის საკვების და მედიკამენტების ხარისხის მეთვალყურეობის სამსახურის 25 ივნისის მონაცემებით, 11 ივნისის მდგომარებით, დადასტურდა მიოკარდიტის და პერიკარდიტის 1200 შემთხვევა Pfizer/BioNTech-ის და Moderna-ს 300 მილიონ დოზაზე. დაავადებათა კონტროლის და თავიდან აცილების ცენტრმა დაადასტურა 30 წლამდე ასაკის პირებს შორის გულის ანთების 309 შემთხვევაში ჰოსპიტალიზაცია. მათი 95% საავადმყოფოდან გაწერეს. ინფექციურ დაავადებათა ექსპერტები მსჯელობენ იმის შესახებ, საჭიროა თუ არა მეორე დოზის მიცემა იმ ამერიკელთათვის, რომლებიც უკვე აიცრნენ Johnson & Johnson-ის (J&J) ერთდოზიანი პრეპარატით. ამის მიზეზი ძლიერ გადამდები „დელტა“ ვარიანტის გავრცელებაა. ექსპერტები ასევე ბჭობენ, საჭიროა თუ არა Pfizer/BioNTech-ის ან Moderna-ს განმაახლებელი დოზის გამოყენება. გავრცელებული ცნობით, კანადა და ევროპის ზოგიერთი ქვეყანა უკვე უშვებს ორი სხვადასხვა ვაქცინის გამოყენებას. ...
წყარო

Lana

ქუთაისი
  • 7 დღის წინ

Moni

თბილისი
  • 2 თვის წინ

Anjela

თბილისი
  • 11 თვის წინ

Irinkairka

თბილისი
  • 2 თვის წინ

Nurbanu

თბილისი
  • 2 თვის წინ

Илона

თბილისი
  • 7 საათის წინ

Nuca

ბათუმი
  • 43 წუთის წინ

Nia

თბილისი
  • 11 თვის წინ

Mariami

თბილისი
  • 3 თვის წინ

Shale

თბილისი
  • 3 თვის წინ

mari mari

თბილისი
  • 2 დღის წინ
  • VIP

Anastasia

თბილისი
  • 1 დღის წინ