რუსეთმა ოკუპირებულ ყირიმში ჰაერსაწინააღმდეგო თავდაცვის სისტემები გამოცადა შავ ზღვაში საერთაშორისო მანევრების ფონზე

რუსეთმა მის მიერ 2014 წელს ოკუპირებულ ყირიმში, რომელიც უკრაინის კუთვნილებაა, მოაწყო თავისი ჰაერსაწინააღმდეგო სისტემების გამოცდა. ამ დროს შავ ზღვაში მიმდინარეობს აშშ-ისა და უკრაინის მიერ ორგანიზებული საერთაშორისო სამხედრო წვრთნა, რომელიც დაიწყო 28 ივნისს უკრაინის მთავარ საპორტო ქალაქ ოდესაში. ერთობლივი საერთაშორისო საზღვაო წვრთნა, Sea Breeze-2021, მასპინძელი ქვეყნის, უკრაინის, შეფასებით, მის ტერიტორიულ წყლებში გამართული ყველაზე უფრო მასშტაბური სწავლებაა. 29 ივნისს რუსეთის სააგენტო „ინტეფაქსი“ იტყობინებოდა, რომ რუსეთის შავი ზღვის სამხედრო ფლოტის თანახმად, მან გამოცდის დროს მზადყოფნაში მოიყვანა 20-მდე თვითმფრინავი და შვეულმფრენი, მათ შორის ბომბდამშენი - Su-24M-ები და საზენიტო სარაკეტო კომპლექსები, S-400 და Pantsir-ი. Sea Breeze-ში, რომელიც 10 ივლისამდე გრძელდება, ნატოს 32 წევრი და პარტნიორი ქვეყნის, მათ შორის საქართველოს, 3 000-მდე სამხედრო მოსამსახურე, 30 თვითმფრინავი და შვეულმფრენი, 32 გემი, 50 ერთეული სამხედრო ტექნიკა და ასევე სპეცდანიშნულებისა და მყვინთავების 18 რაზმი მონაწილეობს. მანევრები დაიწყო რუსეთსა და დასავლეთს შორის დაძაბულობის ფონზე ინციდენტის შემდეგ, რომელიც მოხდა რუსეთის და ბრიტანეთის სამხედრო ხომალდის მონაწილეობით ყირიმის სანაპიროსთან. Sea Breeze-ი იმართება იმ პერიოდში, როცა 23 ივნისს რუსეთმა გამოაცხადა, რომ გამაფრთხილებელი გასროლა განახორციელა და ბომბები ჩამოყარა ბრიტანული სამხედრო ხომალდის, HMS Defender-ის გზაზე, რათა ეიძულებინა, კურსი შეეცვალა და მოშორებოდა ყირიმის ნახევარკუნძულის ქალაქ სევასტოპოლს. ...
წყარო

Sofi

თბილისი
  • 9 თვის წინ

Saly

თბილისი
  • 23 თვის წინ

Monika

თბილისი
  • 5 დღის წინ

Natia

თბილისი
  • 13 თვის წინ

Miako

თბილისი
  • 4 დღის წინ

Nia

თბილისი
  • 4 თვის წინ

Amira

ბათუმი
  • 1 საათის წინ

Sofi

თბილისი
  • 1 დღის წინ

Lika

თბილისი
  • 3 საათის წინ

Vnebiani ❤

თბილისი
  • 1 დღის წინ

Ana

თბილისი
  • 13 თვის წინ

Dada

თბილისი
  • 33 წუთის წინ