პოლიციამ ძალადობრივი ჯგუფის კიდევ ერთი წარმომადგენელი დააკავა

შინაგან საქმეთა სამინისტროს პრესსამსახურის ინფორმაციით, პოლიციამ ვახუშტის ხიდთან კიდევ ერთი მოქალაქე დააკავა. ძალადობრივი და ჰომოფობიური ჯგუფების წარმომადგენლები ცდილობენ ჩაშალონ კინოჩვენება, რომელიც „პრაიდ კვირეულის" ფარგლებში მიმდინარეობს. როგორც შსს-ში რადიო თავისუფლებას უთხრეს, დაკავებულს ედავებიან ადმინისტრაციულ სამართალდაღვევათა კოდექსის 116-ე და 173-ე მუხლების დარღვევას, რაც გულისხმობს წვრილმან ხულიგნობასა და პოლიციელის კანონიერი მოთხოვნისადმი დაუმორჩილებლობას. ამ დროისთვის სულ 12 მოქალაქე არის დაკავებული. ვახუშტის ხიდთან შეკრებილმა ძალადობრივი და ჰომოფობიური ჯგუფების წარმომადგენლებმა, ღონისძიების მონაწილეთა მისამართით ისროლეს კვერცხები, ბოთლები და, სავარაუდოდ, ქვები. „თბილისი პრაიდის" ინფორმაციით, კვერცხი მოხვდა აშშ-ის საელჩოს თანამშრომელს. ისინი ცდილობდნენ საავტომობილო გზის გადაკეტვას, რისი საშუალებაც მათ პოლიციამ არ მისცა. ასევე ნახეთ ძალადობრივი ჯგუფის წარმომადგენლებმა აშშ-ის საელჩოს თანამშრომელს კვერცხი მოარტყეს  „პრაიდ კვირეული“ თბილისში 1 ივლისს გაიხსნა. ის მოაიცავს დოკუმენტური ფილმის ჩვენებას და ქვიარ მუსიკალურ ფესტივალს. კვირეული 5 ივლისს, ღირსების მარშით დასრულდება - ლგბტქ აქტივისტები და მათი მხარდამჭერები თბილისის ცენტრში, რუსთაველის გამზირზე შეიკრიბებიან და მსვლელობას მოაწყობენ. პრაიდის ორგანიზატორების პარალელურად მობილიზებულნი არიან საქართველოში არსებული პრორუსი, ძალადობრივი და ჰომოფობიური ჯგუფები - ისინი ცდილობენ ხელი შეუშალონ პრაიდის ჩატარებას. ...
წყარო

ანუკი

თბილისი
  • 5 საათის წინ

Shale

თბილისი
  • 3 თვის წინ

Nia

თბილისი
  • 4 თვის წინ

Marikuna

ბათუმი
  • 26 თვის წინ

Lika varketili

თბილისი
  • 4 თვის წინ

Elena

თბილისი
  • 5 საათის წინ

Tako

ბათუმი
  • 7 საათის წინ

ელენე

თბილისი
  • 2 თვის წინ

Анжелина

თბილისი
  • 26 თვის წინ

Sali

თბილისი
  • 4 თვის წინ

Moni

თბილისი
  • 2 თვის წინ

Lile

თბილისი
  • 14 საათის წინ