გაერო, EU-ს, აშშ-ს და სხვა ქვეყნის საელჩოები ქალთა მიმართ ძალადობის დღესთან დაკავშირებით განცხადებას ავრცელებენ

საქართველოში არსებული საერთაშორისო ორგანიზაციების წარმომადგენლობები და საელჩოები აცხადებენ, რომ სტიგმისა და დაუსჯელობის გამო, ქალთა მიმართ ძალადობამ პანდემიის მასშტაბებს მიაღწია მთელ მსოფლიოში და მათ შორის საქართველოშიც. განცხადება არის ქალთა მიმართ ძალადობის აღმოფხვრის საერთაშორისო დღის გამოხმაურება, რომელიც დღეს, 25 ნოემბერს, აღინიშნება. "ქალების და გოგოების მიმართ ძალადობა ადამიანის უფლებების ერთ-ერთ ყველაზე ფართოდ გავრცელებულ და დაფარულ დარღვევად რჩება, რაც ერთდროულად გენდერული უთანასწორობისა და დისკრიმინაციის მიზეზიცაა და - შედეგიც. ისეთი სამყაროს მშენებლობა, რომელშიც ქალთა მიმართ ძალადობა არა მარტო სათანადოდ დაგმობილი, არამედ აღმოფხვრილიც იქნება, სრულიად რეალურია. ამ პრობლემის პრევენცია არა მარტო შესაძლებელი, არამედ აუცილებელია", - წერია განცხადებაში. აქვე აღნიშნულია, რომ საქართველოში გენდერული ძალადობის წინააღმდეგ გატარებული სხვადასხვა ღონისძიების მიუხედავად, ქალებს ძალადობა კვლავ საკუთარი სიცოცხლის ფასად უჯდებათ. "ხშირად ფემიციდი მათ მიერ განცდილი ძალადობის სხვა ფორმების გაგრძელებას წარმოადგენს. ისევ მწვავე პრობლემაა საქართველოში სექსუალური ძალადობაც, თუმცა, შეტყობინების მაჩვენებელი ძალიან დაბალია და, შესაბამისად, სასამართლომდე საქმეების მხოლოდ მცირე რაოდენობა თუ აღწევს. ქართულ საზოგადოებაში მყარად დამკვიდრებული პატრიარქალური ნორმების და ღრმად ფესვგადგმული სტერეოტიპების შედეგად, ხშირად თავად მსხვერპლს ადანაშაულებენ ხოლმე და, ქალებისა და გოგოების მიმართ ძალადობის შემთხვევებს შემწყნარებლობით ხვდებიან", - წერია განცხადებაში. საერთაშორისო ორგანიზაციებისა და საელჩოების მოწოდებაა, ეროვნულ დონეზე გაძლიერდეს ყოვლისმომცველი მიდგომა საქართველოში ქალთა მიმართ ძალადობის ყველა ფორმის თავიდან ასაცილებლად - "უმნიშვნელოვანესია ქალთა ეკონომიკური, პოლიტიკური და სოციალური გაძლიერებისთვის ხელსაყრელი გარემოს შექმნა და გამყარება". "ქალთა მიმართ ძალადობის წინააღმდეგ ბრძოლაში ყველას გადამწყვეტი როლი ეკისრება, ამიტომ ჩვენ კვლავ მტკიცედ გვაქვს გადაწყვეტილი საქართველოს მთავრობის, სამოქალაქო საზოგადოებისა და სხვა პარტნიორების მხარდაჭერა, რათა დაცული და უზრუნველყოფილი იყოს ქალების და გოგოების ძალადობისგან თავისუფალ გარემოში ცხოვრების ხელშეუვალი უფლება თითოეული ადამიანის საკეთილდღეოდ", - წერია განცხადებაში. დღეს, 25 ნოემბერს, ქალთა მიმართ ძალადობის აღმოფხვრის საერთაშორისო დღეა. ამ დღესთან დაკავშირებით გამოქვეყნებული ერთობლივი განცხადების ხელმომწერები არიან გაერთიანებული ერების ორგანიზაცია საქართველოში, ევროკავშირის წარმომადგენლობა საქართველოში, ევროპის საბჭოს ოფისი საქართველოში, საქართველოში ევროკავშირის სადამკვირვებლო მისია და ავსტრიის,...
წყარო

Lika

ბათუმი
  • 3 დღის წინ

Tatiana

თბილისი
  • 15 თვის წინ

Lola.

ბათუმი
  • 21 საათის წინ

Nuki

თბილისი
  • 1 თვის წინ

Tiko

თბილისი
  • 15 თვის წინ

Ekuna

თბილისი
  • 2 თვის წინ

Kato

თბილისი
  • 2 თვის წინ
  • VIP

თეო

თბილისი
  • საიტზეა

Megi

თბილისი
  • 25 დღის წინ

Eka

თბილისი
  • 10 დღის წინ

ნინი

თბილისი
  • 6 თვის წინ

Leluka

თბილისი
  • 1 თვის წინ