ინტელექტუალური თამაშის, „რა? სად? როდის?“, მოთამაშეები - 550-ზე მეტი მოთამაშე, - ერთობლივი განცხადებით ეწინააღმდეგება „აგენტების კანონს“. განცხადების ხელმომწერები წერენ, რომ მიაჩნიათ, პარლამენტში წარდგენილი კანონპროექტი აზიანებს საქართველოს ევროინტეგრაციას. „ჩვენ, „რა? სად? როდის?“ მოთამაშეებს მიგვაჩნია, რომ საქართველოს მომავალი ევროპისა და ევრო-ატლანტიკურ სტრუქტურებში ინტეგრაციაზე გადის. ევროინტეგრაცია საქართველოს მოსახლეობის უმრავლესობის განუხრელი სურვილია, რაც ასახულია კიდეც ქვეყნის კონსტიტუციაში. ვთვლით, რომ კანონპროექტი “უცხოური გავლენის გამჭვირვალობის შესახებ” აზიანებს საქართველოს ევროინტეგრაციის პროცესს, ამიტომ მოვუწოდებთ პარლამენტს გაიმეოროს შარშანდელი ქმედება და მეორე მოსმენით ჩააგდოს ხსენებული კანონპროექტი. ჩვენი არჩევანია - ევროპა“ - წერია განცხადებაში. ხელმომწერთა შორის არიან ინტელექტკლუბის წამყვანი გიორგი მოსიძე, ტელეპროექტის მთავარი რედაქტორი ლაშა კილაძე, კლუბის მაგისტრი გიორგი ბაქრაძე და სხვადასხვა გუნდის კაპიტნები: დავით რაფავა, ია მეტრეველი, ოთარ საბაშვილი, ირინა ფრუიძე, ბაჩანა შენგელია, დავით სიჭინავა, ალექსანდრე ლორთქიფანიძე, გიორგი მელაძე. გარდა სატელევიზიო ვერსიის მოთამაშეებისა, განცხადებას ხელს აწერს თამაშის სპორტული ვერსიის ასობით მოთამაშე: три „აგენტების კანონი“ პირველი მოსმენით დღეს, 17 აპრილს მიიღეს. ევროპელი ლიდერების განცხადებით, ეს კანონი ხელს შეუშლის საქართველოს ევროინტეგრაციას. საერთაშორისო გამოხმაურებებს შორის რუსეთის ფედერაცია ერთადერთია, რომელიც საქართველოს ხელისუფლებას ტრაექტორიას უწონებს. ასევე ნახეთ სრული სიმართლე „აგენტების კანონზე“ ...