პარლამენტის შენობასთან "აგენტების კანონის" გასაპროტესტებლად უკვე მესამე დღეა მოქალაქეები იკრიბებიან. აქციის მონაწილეებმა შეკრება 19:00 საათზე დაიწყეს, რუსთაველის გამზირზე საავტომობილო მოძრაობა უკვე გადაკეტილია. renderExternalContent("https://www.youtube.com/embed/0tFFeY35j4U?&&&fs=1&enablejsapi=1") მეტრო "რუსთაველის" მიმდებარე ტერიტორიიდან, დემონსტრანტებს მსვლელობით უერთდებიან სხვადასხვა უნივერსიტეტის სტუდენტები. 83 ხმით 0-ის წინააღმდეგ - ე.წ. აგენტების კანონი პარლამენტმა პლენარულ სხდომაზე პირველი მოსმენით დღეს მიიღო. ასევე ნახეთ სია: ვინ დაუჭირა „აგენტების კანონს“ მხარი პირველი მოსმენით საქართველოს პარტნიორი ქვეყნებისა და ორგანიზაციების შეფასებით, ე.წ. აგენტების კანონი ხელს შეუშლის ქვეყნის ევროინტეგრაციას, მმართველი პარტია კი ამტკიცებს, რომ ის ევროპულია. ასევე ნახეთ ჯოზეპ ბორელი და ოლივერ ვარჰეი: "საბოლოოდ მიღება უარყოფითად იმოქმედებს საქართველოს ევროკავშირისკენ სვლაზე" 2023 წლის მარტში ხალხმრავალი აქციებისა და საერთაშორისო კრიტიკის გამო საპარლამენტო უმრავლესობა იძულებული გახდა, „უცხოეთის აგენტების კანონი“ ჩაეგდო და პირობა დადო, რომ პროექტს აღარ დაუბრუნდებოდა. „ქართულმა ოცნებამ“ კანონპროექტი 2024 წლის 3 აპრილს დააბრუნა პარლამენტში. ტერმინი „უცხოური გავლენის აგენტი“ პროექტში მან "უცხო ძალის ინტერესების გამტარებელი ორგანიზაციით" ჩაანაცვლა. ...