სპეციალური საგამოძიებო სამსახური ამბობს, რომ გამოძიება „პარლამენტთან მიმდებარე საპროტესტო აქციის დროს სამართალდამცვების მხრიდან სამსახურებრივი უფლებამოსილების გადამეტების/ძალადობის შესაძლო ფაქტებზე გამოძიება დაიწყო“. უწყების პრესცენტრში რადიო თავისუფლებას უთხრეს, რომ გამოძიება სისხლის სამართლის კოდექსის 333-ე მუხლის მე-3 ნაწილის ბ ქვეპუნქტით დაიწყო. ეს მუხლი სამსახურებრივი უფლებამოსილების გადამეტებას გულისხმობს ძალადობის ან იარაღის გამოყენებით და 5-დან 8 წლამდე პატიმრობას ითვალისწინებს. კითხვაზე, გამოჰკითხეს თუ არა სამართალდამცავები შესაძლო გადამეტებაზე, უწყებაში გვიპასუხეს, რომ „თავის კომპეტენციის ფარგლებში, სპეციალური საგამოძიებო სამსახური ყველა საჭირო საგამოძიებო საპროცესო მოქმედებას ატარებს“. „ყველა შემოსული საჩივარი და შეტყობინება განიხილება და გვაქვს შესაბამისი რეაგირება. გამოძიება აქტიურ რეჟიმში მიმდინარეობს“, - ამბობენ უწყებაში. 16 აპრილს პოლიციამ აქციის მონაწილეთა წინააღმდეგ გამოიყენა წიწაკის სპრეი და ხელკეტები. აქციებზე არაერთი ადამიანი დაშავდა. მედიის მიერ გავრცელებულ კადრებში ჩანს, რომ წუხელ, როცა აქცია ფაქტობრივად დაშლილი იყო, პარლამენტის მიმდებარე ვიწრო ქუჩებში პოლიცია დასდევდა და სცემდა აქციის მონაწილეებს. პრემიერ-მინისტრმა ირაკლი კობახიძემ 17 აპრილს განაცხადა, რომ „გუშინ არავითარი დარბევა არ მომხდარა“ და „შეკრების დაშლა საზოგადოდ მოხდა უმაღლესი ევროპული სტანდარტებით“. მისი თქმითვე, „იყო სამი სამწუხარო ინციდენტი, როდესაც ალბათ პოლიციელებს უმტყუნა ნერვებმა“. 16-17 აპრილს, „აგენტების კანონის“ საწინააღმდეგო დემონსტრაციაზე პოლიციელებმა და სპეცრაზმელებმა 18 ადამიანი დააკავეს. ჯანდაცვის მინისტრის მოადგილის ცნობით, ხუთი მათგანი კლინიკაშია. დაკავებულთა უმრავლესობა პატიმრობაში რჩება. ყველა მათგანი ადმინისტრაციული წესითაა დაკავებული. ყველას ედავებიან „პოლიციელების დაუმორჩილებლობასა“ და „წვრილმან ხულიგნობას“. ადამიანის უფლებათა დამცველები რადიო თავისუფლებას ეუბნებიან დაკავებულებული დაზარალებულად უნდა ცნონ, რადგან პოლიციამ მათზე იძალადა. დღეს არასამთავრობო ორგანიზაციებმა, - „საქართველოს ახალგაზრდა იურისტთა ასოციაციამ“, „საერთაშორისო გამჭვირვალობა - საქართველომ“, „სოციალური სამართლიანობის ცენტრმა“ და სხვებმა სპეციალური საგამოძიებო სამსახურს მოუწოდეს, „მაქსიმალურად მოკლე დროში გამოიძიოს პოლიციელთა მიერ ჩადენილი სავარაუდო დანაშაულები“. ასევე ნახეთ „მუშტებისგან ლამის თავი გამისკდა“: ვინ არიან აქციაზე წუხელ დაკავებულები - სია პროტესტი შარშან დემონსტრაციების შედეგად გაწვეული „აგენტების კანონის“ ხელახლა ინიციირებას მოჰყვა. კანონი პირველი მოსმენით დღეს, 17 აპრილს მიიღეს. ევროპელი ლიდერების განცხადებით, ეს კანონი ხელს შეუშლის საქართველოს ევრო...